{La Sprugola.com©La Spezia}

Ponsò (dialetto spezzino del centro storico)

Pòghe ca

brüza dao sò

che o tenpo i ha sgarbelà e scortegà sensa respeto amücià

ente'n mandilo de tèra

en sima aa coinèta

onde' r vento i riva smorsà

come a caèssa dòsse de na màe

e i fa dindonàe

e fòge d'i castagni...

L'ocio i se spalanca

maavigià da'r vèrde de sto "mae"

e a vòze

come na bissa sospiànte

la còra 'n zü pe' i scürton

verso Ricò

sonàndo na còrde d'argento

che la 'vita a svoàe...

Daa lünte

er bagiàe de 'n can

i se mès-cia ciòco dèe canpane

d'a gèze de San Cristoforo...

A sonn'n ozèo che rondèza

sensa ciü pensèi de sèndea...

Drènto a l'ostaia

con na chitara'n man

afògo i mè bòchi de ciòngio...

Ente'n gòto de vin

De Ponsò

Eugenio Giovando